{أح‘ـٍٍِـٍِِـٍِلٌـٍِىٍ غِ ـٍِـٍِـٍِـٍِـٍِاٌدٍِهٍِـٍِ :$....}ّ

السلآم عليكم والرح‘ــمه
بينمآ وأنا أح‘ــوس بـ المنتديات
وأتفرج وأنزل وأنط المهم إن عويناتي عورتني من النزله والنطه وطفشت
وأنا أنزل وألمح شي مكتوب غـ ـاده وأنا أنزل ويوم إستوعبت
وأنا أرجع ع طول لقيت قصيده بعنون " أح‘ـلى غـ ـاده" <~~ عاد خبركم لا شفت هـ الأسم ماذا يحدث في كياني ~~> واللي مايعرف وش السالفه يتحمس وهو ساكت
وعاد إني قلت ألقى قصيده بـ{آسمـ ـه } وما أنزله بنكي وبمنتدي ~~> لا كذا أطلع مالي داعي
فاإتفقت أنا و أنا
إني أنزله



.

.



يا اللي لمحتوا دمعتـي بجفونـي
مستغربين اللي حصـل ياسـاده!!

تكفون لفـراق الغضـي خلونـي
أشكي همومي محتضن لي وساده

ماعاد أبيكـم تنشـدون شلونـي
جرحي وعارف علتـه وضمـاده

إن كان بيديكـم سنـع شوفونـي
وإلا اتركونـي للحـزن واجهـاده

من يوم غابت عن سماي وكونـي
مولاة قلبـي.. غايتـه.. ومـراده

أم العيون السود / كـل جنونـي
ست السمر والبيض.. وأحلى غاده

كني عن أبواب الفـرح صدّونـي
وإلا الصبر.. كثر الرجا مافـاده!

لابو قصيد ٍ يرتضي لـي هونـي
يشكي من الحظ الردي وعنـاده!

قولوا لها شاللي حصـل؟ دلّونـي
(أبطت) .. وخابر مالهـا بالعـاده

بعض البشـر غابـوا ولاهمونـي
والبعض يمكـن خيرتـي فابعـاده

بس المصيبه لو تصيـب ظنونـي
بغيـاب نـور وطلّـة المـيّـاده

قولوا لها والشـوق زاد شجونـي
\وينك؟؟ تراني مـا أطيـق زيـاده

يا ام الغلا كلـه ونـور عيونـي
ياروووح عبدالله ونبـض فـؤاده

شوفي غيابـك يستثيـر سكونـي
والليل عينـي ماهتنـت برقـاده

ضاقت نواحي خافقـي وركونـي
من روحتك فجـأه بـدون افـاده

دفتر قصيديْ اشتاقلك من دونـي
صفحاتـه لرقـة يـدك معـتـاده

وجدي عليـك اليـوم يامظنونـي
وجـد العراقـي لا بكـى بغـداده

أقسم بـرب البيـت واتعرفونـي
وأبيـات شعـري تنتظـر هـدّاده

إن كـان عـادت والله لْتلقونـي
أقصد وألبّسهـاْ القصيـد قـلاده

والحين أبي علم ٍ يكـفّ ظنونـي
منهو يجيب أخبارهـا ياسـاده؟؟

أما كـذا .. وإلا ابعـدوا خلونـي
أرجع لحضن وسادتـي كالعـاده!!